Sviðið – Ný þáttaröð á RÚV um sviðslistir á Íslandi
Sviðslistamiðstöð Íslands kynnir með stolti nýja sjónvarpsþáttaröð, Sviðið, sem fer í loftið á RÚV miðvikudaginn 8. janúar kl. 20:05. Þættirnir verða á dagskrá næstu fjögur miðvikudagskvöld og bjóða upp á fjölbreytta sýn á sviðslistir á Íslandi.
Þáttaröðin er framleidd í samstarfi við 101 Productions með styrk úr Barnamenningarsjóði og stuðningi RÚV. Þættirnir miða að því að vekja áhuga ungs fólks á sviðslistum og kynna fjölbreytta möguleika listgreinarinnar á lifandi og aðgengilegan hátt.
Efni þáttanna:
- Þáttur 1 (8. janúar): Leikstjórn og leiklist með viðtölum við Unu Þorleifsdóttur, Önnu Kolfinnu Nikulásdóttur og Kristínu Þóru Haraldsdóttur.
- Þáttur 2 (15. janúar): Óperusenan með viðtali við unga óperusöngvara úr sviðslistahópnum Óð, ásamt viðtölum við Viktoríu Blöndal um samsköpunarleikhús og Sigurð Ámundason um óhefðbundin sviðsverk.
- Þáttur 3 (22. janúar): Samstímadans og sirkuslistir með Ásrúnu Magnúsdóttur, Andrean Sigursveinssyni og Eyrúnu Ævarsdóttur.
- Þáttur 4 (29. janúar): Leikritun með Tyrfingi Tyrfingssyni og sviðslistanám með Hólmfríði Hafliðadóttur og Agli Gauta Sigurjónssyni.
Eftir sýningu á RÚV verða þættirnir gerðir aðgengilegir á vef Sviðslistamiðstöðvar og á Listveitunni á vef List fyrir alla.
Við hvetjum öll til að fylgjast með á RÚV og njóta þessarar fjölbreyttu og skapandi nálgunar á sviðslistir.
Fylgist með Sviðinu og uppgötvið kraft og fjölbreytileika sviðslista á Íslandi!
