Út í heim - reynslusögur af sýningaferðum
Sviðslistamiðstöð Íslands býður sviðslistafólki í samtal um sýningaferðir þann 14. desember í Tjarnarbíói. Hver eru fyrstu skrefin sem þarf að stíga í alþjóðlegu sýningarhaldi og samstarfi? Hvernig urðu tækifærin til? Hvernig höldum við áfram?
Sérstakir gestir kvöldsins verður sviðslistafólk sem á það sameiginlegt að búa að mikilli reynslu af því að starfa á alþjóðavettvangi: Gísli Örn Garðarsson leikstjóri og stofnandi Vesturports, Helga Arnalds listrænn stjórnandi Tíu Fingra, Ásrún Magnúsdóttir danshöfundur og Tinna Grétarsdóttir danshöfundur. Þau munu miðla af ólíkri reynslu sinni af því að sýna erlendis og svara spurningum frá gestum viðburðarins.
Sviðslistamiðstöð býður upp á drykki og jólastemmningu. Dagskráin er um 90 mínútur.
Vesturport var stofnað árið 2001 og setti upp fjölda sýninga á árunum 2001 - 2011 og má þar helst nefna, Brim, Rómeó og Júlíu, Hamskiptin, Woyzek og Faust. Þessar sýningar túruðu um heiminn þvert og endilangt, Evrópu, Norður- og Suður Ameríku og Asíu.
Tíu fingur var stofnað árið 1993 af Helgu Arnalds sem er listrænn stjórnandi þess. Sýning hennar Lífið - drullumall sem var frumsýnd 2014 hefur farið sigurför um heimin og verið sýnd víða í Evrópu en einnig töluvert í Kína og nú síðast á þessu ári var hún sýnd í Svartfjallalandi og Japan.
Ásrún Magnúsdóttir danshöfundur ásamt samstarfsmanni sínum Alexander Roberts mynda dúóið Ásrún og Alex. Samstarf þeirra með ungmennum hefur getið af sér sýningar eins og Hlustunarpartý (2017) og Teenage Songbook of Love and Sex (2019) sem eru ennþá á ferðlagi um heiminn.
Bíbí og Blaka hefur skapað danssýningar fyrir unga áhorfendur síðan 2012. Sýningarnar Skýjaborg, Fetta og Bretta, Vera og vatnið og Spor hafa ferðast mikið um Norðulöndin og víðar. Bíbí og Blaka hefur einnig átt í samstarfi við sviðslistahópa á Írlandi og Litháen.
